殭屍大廈

去年搬左入嚟呢幢大廈,之後才發覺 ‘中伏’! 慘, 原來呢幢係 ‘殭屍大廈’!
點解? 因為住喺呢度既大部份係殭屍,夜晚才出嚟活動,日間匿埋。起碼我呢層嗰啲係。
佢地隣舍關系特別好,又非常喜歡中國 ‘國技’。每晚,一過九時,某幾個單位就會開枱,而且,住喺其他單位既,會穿巷過屋,整夜不停,包括小孩,巷頭巷尾嬉戲。但每天早上8點前,就會靜哂,全部匿埋! 仲唔係殭屍!
不過,唔好以為佢地匿埋,個世界就會靜,正式嘈似拆樓。因為房署要將部份單位一分為二,可以俾多啲人上樓政府劏房(不過,比外邊劏房好,有80呎)。另外,可能私家樓真係太貴,好多人買唔起就買廉租屋,所以,裝修打牆鑿地,此起彼落,一樣嘈到不得了。天呀,呢個真係 ‘異域’!

分類: 未分類。這篇內容的永久連結