我憎恨

自從大個左知道自己其實係父母遺棄既,我就開始唔信人。及至讀書,因為孤兒仔,又冇哥哥姐姐什至父母幫你出頭,所有人都蝦你,同學蝦你就連老師都蝦你,因為乜都推哂落我身上,係唔會再有人去嘈佢地。那時開始覺得呢個世界好唔公平,起碼對我唔公平。而且大部份老師都不喜歡我。因為成績一般,且從來唔參加活動。但他們卻唔知道我放學後還要做兼職,半工讀,品學兼優呢個只是做戲至有。
及至出來工作,同樣原因,冇家庭背景,冇長輩提攜,冇人扶持,只有從低捱,而且工作即是錢,冇工作,冇錢就即刻有問題(唔似Tim,冇工做仲可以食老豆),所以真老細既氣要受,假老細既氣要受就連同事既氣都要受。我開始討厭人類,憎恨人類,連像人類的生物也覺厭惡。
我不斷向上爬,由項目經理爬上工程部經理,再由工程部經理爬到上部門經理。我以為憑我拼博,可擺脫唔好既一生。誰知一覺醒來,枕邊人自顧自走了,兒子羽翼長成飛走了,我才發覺,我其實一直都生活在這個惡夢之中,以前只是自欺欺人覺得擺脫了。
我更加憎恨呢個世界,憎恨自己。我想脫離呢個世界,唔想同呢個世界上任何嘢接觸。我恨人類,人類滅絕最好! 我既復仇心態越來越強,我憎恨這個世界,憎恨這個世界所有嘢!

本篇發表於 未分類。將永久鏈結加入書籤。